Синоптиксем Чăваш ен терри-

торийĕнче аслатиллĕ çумăрсем иртме, çилсем вăйланма пултарассине асăрхаттараççĕ. Инкеклĕ лару-тăрусем тухасран çăлав службисем те уйрăм хатĕрлĕх йĕркипе ĕçлеççĕ.

Çăлавçăсем асăрхаттараççĕ: аслати-çиçĕм - çутçанталăкăн хăватлă пулăмĕ кăна мар, çынсемшĕн пысăк хăрушлăх та. Уйрăмах пĕччен йывăçсене, уçă вырăнсене тата металл конструкцисене çапма пултаракан çиçĕмсем хăрушă-мĕн. Вĕсем сывлăхпа пурнăçа сиен кÿрессинчен мĕнле сыхланмалла-ха/ МЧС сотрудникĕсем çакăн пек усăллă сĕнÿсем параççĕ:

Енчен те эсир урамра-тăк:

Пĕччен тăракан, уйрăмах çÿллĕ, тухса тăракан туратсемлĕ йывăçсем айĕнче пытанма юрамасть.

Металл хÿмесем, электролинисен юписем тата электричество яракан ытти конструкцисем çумне ан пырăр.

Уçă вырăнсенчен - уй-хиртен, çарансенчен, шыв-шуртан - аякра пулăр.

Чупмалла мар - çиçĕм-аслати чухне пуçа пĕксе тата ăна алăпа хупласа, хуçланса ларни шанчăклăрах.

Çак вăхăтра эсир шывра-тăк:

Хăвăртрах пĕве-кÿлĕрен тухăр - шыв электричество ярать.

Çыран хĕрринчен кайăр та хăрушсăр вырăнта пытанăр.

Автомобильте пулсан:

Транспорт хатĕрĕнчен тухмалла мар - машина çиçĕм-аслати алхаснă вăхăтра чи хăрушсăр вырăнсенчен пĕри.

Машинăра чÿречесене хупмалла тата радио сÿнтермелле.

Енчен те эсир килте пулсан:

Электросетьрен мĕнпур прибора кăларăр.

Стационарлă телефонпа ан усă курăр.

Чÿречесемпе алăксене хупăр, металл япаласемпе электропроводкăран аякра пулăр.

Çакă та пĕлтерĕшлĕ: йывăçсем ÿксен, электричество пралукĕсем татăлсан е ытти инкеклĕ лару-тăру тухсан пĕрлехи пулăшу телефонĕпе ?112% шăнкăравласа пĕлтермелле.

Асра тытăр: асăрхануллă пулни нихăçан та ытлашши мар. Хăрушсăрлăх йĕркине хăвăр та пăхăнăр, çывăх çынсене те аса илтерĕр.

Ирина ПЕТРОВА