Кăçалхи çур çулта вырăнти бюджетсене 24 млрд тенкĕ енне пырса кĕнĕ - ÿсĕм 20 процент майлă. Чăваш ен Финанс министерствин тишкерĕвĕ тăрăх, июлĕн 1-мĕ-шĕ тĕлне муниципаллă тата хула округĕсен бюджечĕсен харпăр хăй тупăшĕсем 7006,5 млн тенкĕ пулнă, ку кăтарту 10,2 процент пысăкрах. 20 муниципаллă пĕрлĕхре çак виçесене унчченхи çулхинчен ÿстерсе тултарнине палăртмалла.

Уйрăммăн илес-тĕк, вырăнти бюджетсенчи налук тупăшĕсен калăпăшĕ - 5915,3 млн тенкĕ ?18,8 процент ытларах%. Налук мар тупăшăн виçи вара - 1091,2 млн тенкĕ. Çавăн пекех июлĕн 1-мĕшĕ тĕлне муниципаллă тата хула округĕсене республика бюджетĕнчен трансфертсене 16969,2 млн тенкĕ куçарса панă.

Мĕнле тĕллевпе уйăрнă-ха чи пысăк суммăсене/ Тĕпрен илсен - шкул çулĕчченхи тата пĕтĕмĕшле тÿлевсĕр вĕрентĕве тивĕçтерме* учительсене класс ертÿлĕхĕшĕн тÿлеме* кĕçĕн классенче вĕренекенсене тÿлевсĕр вĕри апат çитерме* тăлăх тата ашшĕ-амăшĕн хÿттисĕр юлнă ачасене, нумай ачаллă çемьесене çурт-йĕрпе тивĕçтерме* çул-йĕр сетьне аталантарма тата вĕрентÿпе культура, физкультурăпа спорт сферинчи вырăнти ыйтусене татса пама.