Республикăра кĕçĕн тата вăтам предпринимательствăна аталантарас енĕпе 2030 çулчченхи тапхăра йышăннă Стратегие пăхса тухнă.

Республикăра хавхалантарăвăн комплекслă системине туса хунă - вĕрентÿрен пуçласа агрегаторсем урлă производительсене аталантарасси, СВО ветеранĕсен адаптацийĕ тата чăваш бренчĕсене федераллă площадкăсенче çирĕплетесси таранах. «Тĕрĕссипе, эпир бизнес-шухăшсене çирĕплетессин тата тишкерĕвĕн механизмне туса хунă, çĕнĕ регионсемпе суту-илÿ çыхăнăвне анлăлататпăр тата партнерсене явăçтаратпăр. Çак курăмлă ĕç бизнеса аталантарма, продукци пахалăхне ÿстерме тата инновацисене ĕçе кĕртме пулăшать. Чăваш енри кашни предприниматель хăйĕн потенциалне уçма пултартăр, рынокра хăйĕн тивĕçлĕ вырăнне йышăнтăр тата хăйне, çавăн пекех хăйĕн командине ĕçлеме хăтлă условисем йĕркелеме пултартăр»,- тенĕ Олег Николаев.