Хальхи вăхăтра чылай профессири çын ларса ĕçлет. Çавна май организма хускану çитмест.

Кĕлетке виçи ытлашши пулнипе нушаланакансем сахал мар. Паллă ĕнтĕ, физкультурăпа спортпа туслă çын вăр-вартарах. Унăн иммун, сывлав системисем çирĕпрех, вăл сахалтарах чирлет.

Сывлăхшăн кил-тĕрĕшре ĕçлени те, пахча-анкартире тăрăшни те усăллă. Уçăлса çÿрени, велосипедпа ярăнни, шывра ишни пĕлтерĕшлĕ.

Сывлăх - хаклă пуянлăх. Ăна упрăр, сывлăха çирĕплетес тесе тăрăшăр. Хусканусем туни, физкультурăпа спортпа туслашни сире киленĕç кăна кÿтĕр. Кăмăл савăк чух стреслă лару-тăрăва хăвăртрах парăнтарма пулать.

Татьяна ТИМОФЕЕВА,

тĕп больницăн медицина профилактикин кабинечĕн фельдшерĕ