Олег Николаев, республика Пуçлăхĕ:

- Ятарлă çар операцийĕнчен таврăннисенчен чылайăшĕ профессине улăштарса çĕнĕ пĕлÿ илсе обществăна юрăхлă пулма тăрăшать. Паллах, тепĕр çул та «Время СВОих» проект малалла тăсăлĕ. Унпа пĕрлех ытти çул-йĕрсем те аталанĕç. СВО пуçланнăранпа ĕçпе тивĕçтерекен центрсене 158 ветеран килнĕ. Çак цифра малалла та ÿссе пынине ăнланатпăр. Çавăнпа та паянах çĕнĕ професси пĕлĕвне илме майсем сĕнетпĕр. Хальхи вăхăтра ятарлă программăсемпе 18 çын вĕренет. «Ман бизнес» центрта «СВОи в бизнесе» программăна вăя кĕртнĕ. Çак тата ытти мерăсене пула республикăри çар çыннисем мирлĕ пурнăçа хăвăртрах таврăнма пултараççĕ.