Олег НИКОЛАЕВ, республика Пуçлăхĕ:

- Ял хуçалăхĕнче тата тирпейлекен промышленноçре тăрăшакансен ĕçĕ професси кăна мар, вăл юратса суйласа илнĕ пурнăç йĕрки те. Агропромышленноç комплексĕнче ĕçлеме иксĕлми вăй-хал, яваплăхпа тăрăшулăх кирлĕ.

Ял хуçалăх отраслĕнче тимлекенсем çĕр пулăхлăхне ÿстерессишĕн çине тăраççĕ, выльăх-чĕрлĕх ĕрчетеççĕ, пысăк тухăç туса илеççĕ, çапла майпа Чăваш енре тата Раççейĕн ытти регионĕнче пурăнакансене пахалăхлă та усăллă апат-çимĕçпе тивĕçтерме тăрăшаççĕ. Тирпейлекен предприятисем те хастар, регион экономикине аталантарма пулăшаççĕ, çынсене ĕç вырăнĕсемпе тивĕçтереççĕ.