Çанталăк сивĕтсех пырать. Хутса ăшăтмалли тапхăра кĕнĕ май каллех пушарсем

тĕлĕшпе лăпкă мар вăхăт пуçланать. Унчченхи çулсенчи статистика яр уççăн кăтартать: сивĕсем хуçаланма тытăнсан, шел те, инкексен хисепĕ тăрук ÿсет.

Вĕсем чи малтанах ăшă системисем юсавсăррипе, ăшăтакан оборудование, кăмакасене тĕрĕс мар вырнаçтарнипе тата усă курнипе, электросете харăсах темтепĕр чиксе тултарнипе çыхăннă. Анчах чи хăрушă сăлтав куç умĕнчех, вăл - çынсен тимсĕрлĕхĕпе çăмăлттайлăхĕ. Çавăнпа та сивĕ кунсенче ăшă кăна мар, хăрушсăр та пултăр тесен пушарсене асăрхаттаракан правилăсене çирĕп пăхăнмалла.