Юратнă хаçатăмăр «Çĕнтерÿ çулĕ»,

Тултартăн эсĕ тăхăрвун пилĕк çул,

Тумхахлă çулу санăн пулчĕ пулĕ,

Пурпĕр утрăн малаллах эс кунран кун.

Аслă Çĕнтерÿ тултарчĕ сакăрвуннă,

Юратнă хаçатăм - тăхăрвун пилĕк çул.

Çирĕп утăмпа ăмăртса вĕсем утнă,

Утсамăр эсир тата çавăн чул.

Мĕн чухлĕ пултаруллă ĕçчен

Тăрăшрĕ чунтан ку ĕçре!

Хаçат ячĕ хăпарчĕ çуллен,

Паян вăл пурин чĕринче!

Хăшĕ-пĕрисем халь çук та пурнăçра,

Хавхалантарсах пыраççĕ пурпĕрех вĕсем.

Нумай вулакан, хаçата савакан,

Сана алла тытаç вĕсем куллен!

Пултаруллă çынсен шăписем çинчен

Çутатать хаçатăмăр куллен.

Усăллă канашсем, спорт хыпарĕсем,

Пĕр-пĕрне саламланă ăш сăмахсем.

Салам, мухтав сана, «Çĕнтерÿ çулĕ»!

Ан ватăлсам эс нихăçан!

Сан кашни номернех кĕтетпĕр,

Сана ямастпăр алăран!

Эльвира ПЕТРОВА

Мăн Явăш