Тăватă уйăх каялла Вăрнар район тĕп больницинче çĕнĕ маммографи оборудованийĕ вырнаçтарнă.

Вăл сĕт парĕсен диагностика тĕпчевĕсен тĕрĕслĕхне самай ÿстерет. Çакă хĕрарăмсен онкологи чирĕсене иртерех тупса палăртас тата ăнăçлă сиплес тĕлĕшпе йĕркеленĕ профилактика ĕçĕнче уйрăмах пĕлтерĕшлĕ.

Çĕнĕ оборудование вырнаçтарнăранпа поликлиникăра 1726 маммографи тĕпчевĕ ирттернĕ. Ултă хĕрарăмăн онкологи. Телее, чире малтанхи тапхăрта тупса палăртнă. Тухтăрсем çирĕплетнĕ тăрăх, 40 çултан иртнĕ пациентсен кăкăр ракĕ аталанас хăрушлăх самай ÿсет.

Тĕплĕнрех хаçатра.

Елена ТОЛСТОВА