Хальхи вăхăтра Чăваш Республикинче 12 наци проекчĕпе регионаллă 41 проект пурнăçланать. Стратегилле аталанăвăн тата проект ĕç-хĕлĕн Канашĕн ларăвĕнче 4 тĕп наци проекчĕ валли - «Пурнăç инфратытăмĕ», «Çамрăксем тата ачасем», «Вăрăм тата хастар пурнăç», «Çемье» - пĕтĕмпе 15,6 млрд тенкĕ е пĕтĕм калăпăшран 97,5: уйăрнине пĕлтернĕ.

Каласа хăвармалла, «Кадрсем» наци проекчĕ йĕркипе Вăрнар округĕнчи 500 шкул ачи ĕçпе тивĕçтерессине халалланă уроксенче пулнă. Вĕсенче çамрăксене паянхи ĕç рынокĕпе паллаштарнă, хăш профессинчи специалистсем кирлине ăнлантарнă. Предприятисем шкул пĕтерекенсене тĕллевлĕ направленипе вĕрентсе кайран ĕçе илме пултарни те ачасене интереслентернĕ. Уроксенче пулнă хыççăн округри 12 шкулти 476 çамрăк вăхăтлăх должноçсене вырнаçнă.