Эрнекун чылай çулхи тăхтав хыççăн «Туслăх» ентешлĕх вăрнарсене кĕр сăрине пуçтарчĕ 

Вăрнарсем çак тĕлпулăва тах-çанах кĕтни аван сисĕнчĕ. Çавăнпах ĕнтĕ Шупашкарти Çеçпĕл ячĕллĕ çам-рăксен театрĕ лăк тулчĕ. Фойене кĕр-сенех чуна хаваслăх туйăмĕ çавăрса илчĕ. Кашниех тÿрех юрă-кĕвĕ ытамне кĕрсе ÿкрĕ. Çак хаваслăха арçынсен «Алтăр-çăлтăр» ансамблĕ кÿчĕ.

Иккĕмĕш хутра та курмалли-тĕлĕнмелли нумай. Вăрманкас, Уйкас Кипек, Пăртас, Хирпуç, Калинино, Кульцав, Ярмушка ял территорийĕсенчи, районти культура çурчĕн артисчĕсем пуян сĕтелсем хатĕрленĕ. Яланхиллех вĕсем кукăль-икерчĕпе, чăкăт-сырпа, ытти çимĕçпе йăтăнса тăчĕç. Вĕсене тĕрлĕ енлĕ илемлетнĕ.

Ку кăна мар, çак кун сăра пĕçерекенсен конкурсĕ те иртрĕ. Çавăнпа та килнисем техĕмлĕ сăрана та тутанса пăхма пултарчĕç. Вăл шутра - Пушкăртран килнине те. Ăна пирĕн ентеш, кÿршĕлле регионти чăвашсен культурăпа наци автономийĕн ертÿçи Владимир Матвеев илсе килнĕ.

Тĕплĕнрех хаçатра.

Светлана ЧИКМЯКОВА