Кашни çынах çак çĕр çине
Вăл çуралать телей курма.
Анчах шăпа пÿрмен хăшне
Çак пурнăç ырлăхне туйма...
Эп сусăр çын, тесе лармасăр,
Ĕмĕтленсе малашлăха,
Айванланса пĕр нăйкăшмасăр,
Упратăр чыслăн çынлăха.
Ах, йывăр-ха, хирĕçлемесĕр,
Шав талпăнатăр малалла.
Çынсен ĕçне те тиркемесĕр,
Хăш чух шÿтлетĕр кулăшла.
Çапла вара пĕр аташмасăр,
Пĕлетĕр пуçăра тайма.
Иртен-çÿрен те ăш сăмахсăр
Ан хăйтăрччĕ иртсе кайма...
Кăшт тимлĕрех кăна пуласчĕ,
Майне тупасчĕ пулăшма.
Хисеп туса сăмах хушасчĕ,
Этем чунне лăплантарма.
Лиана ГРИГОРЬЕВА
Март 2026 |
