Чăваш ен Пуçлăхĕ Олег Николаев 2026 çула Халăхсен туслăхĕн çулталăкĕ тесе пĕлтернĕ.

Кĕçнерникун вăл кун пирки указа алă пусса çирĕплетнĕ. Республикăра пурăнакансенчен чылайăшĕ çак вариантшăн хăйсен сассине панă.

Халăхсен туслăхĕн çулталăкĕ йĕркипе масштаблă культура, вĕрентÿ тата спорт мероприятийĕсене ирттерме палăртаççĕ. Вĕсем республикăра пурăнакан халăхсен йăли-йĕркисемпе, чĕлхисемпе тата культурипе тĕплĕнрех паллаштарма пулăшĕç. Инициативăсене пурнăçлама республика Пуçлăхĕ Министрсен Кабинетне ятарлă комитет йĕркелеме тата тĕп мероприятисен планне хатĕрлеме хушнă.