Тахçантанпах курман тăван:

- Мĕнле пурнан? - тесе ыйтсан

Хурав ман пулчĕ çапларах:

- Эп аванах пурнап, анчах...

Чĕрем çунать, халь СВО-ра

Мĕнле пурнать-ши ман пичче?

Çыхăнăва тухать сайра.

Ма лăпкă мар-ши çак тĕнче?!

Мĕскер çисе кун каçрĕ-ши?

Вĕри апачĕ пулчĕ-ши?

Ăçта выртса çĕр каçрĕ-ши?

Кăшт çывăрма май пулчĕ-ши?

Çăхан пекех вĕçеç дронсем.

Асап тÿсеççĕ салтаксем.

Вăл аманса, юн юхтарса

Уйра ан юлтăрччĕ выртса.

Йăлтах çухатрăм канăçа,

Çук, çухатмастăп шанăçа.

Эй, Турăçăм, ан пăрахсам,

Ман пиччене Эс упрасам.

Валентина МАРКОВА

Пуканкасси