Ятарлă çар операцийĕн участникĕсем, мобилизаци йĕркипе таврăннисем, Раççей Соцфончĕн реабилитаци центрĕсенче медицина тата санаторипе курорт сиплевĕсем витĕр тухма пултараççĕ.

Палăртмалла, сиплев вăхăчĕ 21 кун таран. Паллах, СВО-ри суран мĕнлине те шута илеççĕ. Медицинăпа социаллă экспертиза тĕпчевне тухнă хыççăн реабилитаци валли направлени параççĕ. Инвалида тухнă 1-мĕш ушкăнри СВО участникĕсем е Раççей Геройĕн ятне илнисем черетсĕрех сипленме тивĕçеççĕ.

Çулпа çыхăннă тăкаксене компенсацилеççĕ, реабилитаци центрĕсенче сывлăха çирĕплетнĕшĕн РФ пенси тата социаллă страхлав фончĕ тÿлет.

Заявленисене Раççей Социаллă фончĕн республикăри уйрăмĕн клиентсен службисенче, «Госуслуги» порталта çырма пулать.

Елена ТОЛСТОВА