Иртнĕ уйăхра Чăваш енре çĕнĕ 184 уйрăм çурта шута илнĕ, вĕсене пурне те кадастр учетне тăратнă. Ноябрьти кăтартусене пĕтĕмлетнĕ май, ку цифрăсене Росреестрăн республикăри Управленийĕ пĕлтерет.

Ăçта ытларах регистрациленĕ-ха çĕнĕрен хăпартнă çуртсене/ Ведомство информацийĕ тăрăх, чи хастарри - Шупашкар округĕ. Кунта иртнĕ уйăхра 59 çурта регистраци тунă. Çавăн пекех республикăн тĕп хулинче те кăтарту чи пысăккисенчен пĕри - 36. Округсенчен Вăрнар тăрăхĕ те лидерсен йышне кĕнĕ - 10 çурта кадастр учетне тăратнă.

Унчченхи уйăхсене илес-тĕк, Чăваш енре октябрьте - 222, сентябрьте 190 пурăнмалли уйрăм çурта регистрациленĕ.

Ирина ПЕТРОВА