Йĕрке хуралĕн органĕсем час-часах пĕлтереççĕ: «виртуаллă уçлăхра» çула çитменнисене хирĕçле тунă йĕркесĕрлĕхсем те, вĕсене хăйсене киревсĕр ĕçсене явăçтарни те сахал мар. Кун-та тем тĕрлĕ хăрушлăх та кĕтме пултарать вĕсене. Апла-тăк, ачасен те, ашшĕ-амăшĕсен те Интернет сетĕнче асăрханулăх йĕркине пăхăнмалла. Çакă çула çитменнисене инкеке ле-кессинчен сыхласа хăварĕ.

Йĕрке хуралĕн органĕсен сотрудникĕсем «компьютер гигиенин» çак хăшпĕр ансат правилисене яланах асра тытма сĕнеççĕ:

Сайтсенче регистраци тунă чух харпăр хăй çинчен информацие ?телефон номерне, ăçта пурăннине, вĕреннине, адреса, ашшĕ-амăшĕ ăçта ĕçленине тата ыттине% кăтартмалла мар. Унсăрăн ку даннăйсене кирек кам та уççăнах курма пултарать. Çавăн пекех сăнÿкерчĕке те лартма сĕнмеççĕ - палламан-пĕлмен çынсем сирĕн сăна курни кирлĕ мар.

Никама та, нихăçан та хăвăрăн парольсене калама юрамасть. Вĕсем - сирĕн тĕп вăрттăнлăх. Хăйнеевĕрлĕ пароль шутласа кăларăр - ăна никам та тавçăрма ан пултартăр. Парольсене хут çине ан çырăр, уççăн ан упрăр. Вĕсене электрон почтăна ярса пама та юрамасть.

Тĕплĕнрех - хаçатра.

Ирина ЯКОВЛЕВА