Кăпăш юрĕ çĕрле çурĕ,
Илтрĕм, юр пĕрчи вĕçет.
Шурă çунатне вăл сарчĕ -
Килкарти, урам çиçет.
Кăшт хырсем те пăшăлтатрĕç,
Алă çупрĕç йĕпписем.
- Кивĕ Çĕнĕ çул-çке çитрĕ!
Савăнăç паян, туссем!
Икĕ йĕр юр çийĕн утнă.
Кам-ши, терĕм. Çук, пĕлмес.
Хĕл Мучи. Парне хăварнă -
Алăк умĕнче хутаç!
Вăрттăн хутаçа пытартăм
Симĕс чăрăшăн айне.
Ак вăранĕç ик мăнукăм,
Шырĕç, тупĕç парнене.
Мĕн тери чунра ачалăх.
Эх, пуласчĕ юр пĕрчи,
Ман чунра паян хаваслăх,
Сăвă çак - Çĕн çул парни.
Клара ОСОКИНА
Апрель 2026 |
