Чăваш енри «Работа России» кадр центрне ĕç шыраса килнĕ ятарлă çар операцине хутшăнакансенчен кашни пиллĕкмĕшĕ водитель вакансине суйланă. Иккĕмĕш вырăнта - хуралçă профессийĕ.

Ветерансем хушшинче анлă сарăлнă пилĕк професси шутне çавăн пекех слесарь, монтажник тата механик лекнĕ. Ĕçе вырнаçнисем асфальтобетонщик, приборист, целлюлоза касакан, полицейски тата йĕркелÿçĕ педагог та пулнă.

Кадр центрĕ пурĕ çар хирĕçтăрăвĕсен 87ветеранне ĕçпе тивĕçтерме пулăшнă. Вĕсенчен 30-шĕ хăйсен ĕçне пуçарма кăмăл тунă. 2025 çулта «Работа России» центрсенче ятарлă çар операцине хутшăнакансемпе вĕсен çывăх çыннисене «Кадрсем» наци проекчĕпе 579 пулăшу мерипе тивĕçтернĕ.