Февральте те пахчаçăсен ĕç чылай: йывăç турачĕсене касмалла, юр тытмалла, акма вăрлăх хатĕрлемелле.

Февраль - хăшпĕр улма-çырла йывăçĕпе тĕмĕсене касмалли чи лайăх вăхăт.

Панулми - чирлĕ, типнĕ, хуçăлнă туратсене касмалла, вуллине сайралатмалла, ытлашши вăрăм туратсене кĕскетмелле.

Груша - пĕр çулхи туратсене кĕскетмелле, ытлашши туратсене касмалла.

Чие - ватă, хуçăлнă, чирлĕ, пĕр-пĕринпе хĕресленекен туратсене касмалла, чĕрĕ туратсене кĕскетмелле.

Слива - шăннă, аманнă тата шалалла ÿсекен мĕнпур турата касмалла, вуллине сайралатмалла, иртнĕ çул ÿснĕ туратсене 1Ÿ3 пайĕ чухлĕ кĕскетмелле.

Черешня - чирлĕ, аманнă, çăра туратсене йăлтах касмалла, айăккинчи туратсене кĕскетмелле.

Çакна манмалла мар: пахчари çÿлерех асăннă ĕçсене -5 градусран сивĕрех пулсан пурнăçламалла мар, унсăрăн йывăçсем аманса юлĕç.