Шăпах та ырă ĕçсем пире пĕрлештерсе пурнăçа лайăхлатма пулăшаççĕ, хастарлăха ÿстереççĕ.

Парти членĕсем маттур

«Ырă ĕçпе тĕнче те ырăрах», теççĕ. «Единая Россия» партин Хирпуç территорийĕнчи членĕсем «Картиш ĕçченне пулăш» республика акцине кăмăлтанах хутшăннă. Алла кĕреçесем тытнă та Тăван çĕршывăн Аслă вăрçинче пуç хунисене халалласа лартнă Хирпуçĕнчи тата Рункăри палăксем патĕнче юра тасатнă. Пĕрле тăрăшнăран ĕçе хăвăрт та пахалăхлă пурнăçланă.

Калининăсем те яваплăха туяççĕ. «Единая Россия» парти членĕсем тĕп лавкка çывăхĕнчи площадкăна, палăк территорине хăтлăх кĕртнĕ. Пархатарлă ĕçре çамрăк волонтерсем те пулнă.