Пăрăç тутипе тата тухăçлăхĕпе савăнтартăр тесен регион климатне кăна мар, уйăх циклне те пăхăнмалла теççĕ. Тĕрĕс акни тата калчана пăхса тăни вара ăна чир-чĕртен сыхлама, çимĕçне парассине витĕм кÿме пулăшĕ.

Вăрлăх - пулас тухăç никĕсĕ. Ун пахалăхĕ тÿреммĕн шăтаслăхĕ тата ÿсентăран вăйĕ çине витĕм кÿрĕ. 2-3 çултан аслăрах мар вăрă суйламалла, киввисем япăх шăтаççĕ, тата ун тунисем начаркка пулаççĕ, вĕсем майĕпен кăна аталанаççĕ.

Дезинфекци валли акиччен вăрлăха 20-30 минут марганцовка е хлоргексидин растворĕнче тытсан аван. Шăтарас тесен ăна йĕпе татăкпа чĕркесе 1-2 талăклăх ăшă вырăна хумалла. Çакă шăтаслăха 85-90 процент ÿстерет. Пĕр çулталăк ытла выртнă вăрра тымара çирĕплетекен препаратсемпе имçамласан лайăх.

Пăрăç вăррине 0,5-1,5 см тарăнăшне акаççĕ. Ытлашши тарăн чиксен вăл каярах шăтать, типме пултарать.

Пăрăçăн тымарĕ черчен, çавăнпа та ăна уйрăм стакансем çине е кассетăсене аксан лайăх. Ку пикировка тунă чухне тымарĕсене амантассинчен хăтарать. Савăт калăпăшĕ 200-250 мл. Торф е пластик стаканчиксенчен айăпламасăр йăран çине куçарма пулать.

Раççейĕн кашни регионĕнче климат урăхла. Çавăнпа та ăна лартма вăтам температурăна тата кун вăрăмăшне пăхмалла. Атăлçи тăрăхĕнче калча валли пăрăçа февраль варринчен тытăнса акма юрать. Пĕрремĕш эрнесенче ăна ăшăра тата лампа айĕнче тытсан аван.