Вăрçă, ĕç, Хĕçпăшаллă Вăйсен тата йĕрке хуралĕн органĕсен ветеранĕсен Канашĕн председателĕ Ярослав Никифоров, Афганистанра, Чехословакире службăра тăнă ветерансен Канашĕсен председателĕсем Юрий Васильевпа Владимир Иванов, Совет Союзĕн офицерĕсен канашĕн председателĕ Николай Васильев, ГСВГ ветеранĕсен Канашĕн председателĕ Анатолий Васильев, халăх дружинин командирĕ Елена Голубцова, округри афганец-ветерансем, Кĕçĕн Кипекри шкул ачисем Вăрнар округĕн делегацийĕн йышĕпе Муркаш округĕнчи А.Г. Николаев ячĕллĕ Калайкасси шкулне çитсе курнă.

Кунта Афган вăрçин музейне уçнă. Унăн директорĕ - Николай Зайцев, хăй те Афганистанра службăра тăнă. Вăл вăрнарсене музей пирки тата унта ачасемпе ирттерекен мероприятисем патриотла воспитани парас ĕçре пысăк вырăн йышăннине каланă. Паттăрсем пирки астăвăма упраса хăварни, çитĕнекен ăру Тăван çĕршывпа мăнаçланма пултарни тĕпре пулнине палăртнă Николай Иванович.

Тĕплĕнрех - хаçатра.

Хамăр инф.