Ирсĕрсен шалчийĕ тулĕ...

Ирех паян тавралăха янратрĕ

Сиренăн ытла та сисчĕвлĕ сасси.

Кăшт тĕлĕрнĕ... Шарт! сиктерсе вăратрĕ.

Çак каç пулмарĕ канлĕн çыврасси.

Çĕрĕпелех МИХ-сем асăрхаттарчĕç:

Тăшман атакăласшăн сывлăшран.

Сисмесĕрех ман куçăмсем шывланчĕç

Украина фашистла хăтланнăран.

«Мĕн пулнă/» - сиксе тăчĕ ывăл.

Кушак та йăпшăнчĕ ман çумалла.

«Турăçăм, йăлт пултăр ырă-сывă»,-

Пĕр вĕçĕм çаврăнчĕ ман пуçăмра.

Шухăшсем шкул вăхăтне илсе çитерчĕç:

«Тревога!» янăратчĕ час-часах.

Вĕренÿлли пулсан та хăрататчĕ,

Çырмасенче пытаннă васкасах.

Шел, ирхи вĕренÿлли пулмарĕ.

Фашист шав хăратасшăн хăтланать.

Тавах Турра - усаллине курма памарĕ.

Çĕршывăмăр сыхлăхрах тăрать.

Ирсĕрсен пĕрех шалчийĕ тулĕ!

Раççей çапса аркатĕ тăшмана!

Чĕресенче паян кашнин пĕр кĕлĕ:

Лăплантăрччĕ пăтранчăк самана.

Светлана ЧИКМЯКОВА. 04.03.2026