Вăрнар йĕлтĕрçисем тата тепĕр турнирта палăрнă. Регионсем хушшинчи «Путь к рекордам» ăмăрту икĕ куна пынă. Ÿсĕме кура унта спортсменсем 2, 10 тата 15 километрсенче тупăшнă.

Юрий Александрович Тикинев патĕнче ăсталăха туптакан Вăрнар çамрăкĕсем хальхинче те лайăх результатсемпе палăрнă. Вăрнарти 1-мĕш шкулта 9-мĕш класра вĕренекен Александр Тикинев 10 километрлă дистанцире классика мелĕпе те, ирĕклĕ стильпе те кĕмĕл медальсене çĕнсе илнĕ.

Ку шкулта 4-мĕш класра вĕренекен Дарья Корнилова та унран юласшăн мар. Вăл ирĕклĕ стильпе ăмăртса бронза медале тивĕçнĕ.