Ял хуçалăхĕпе экологи пайĕн пуçлăхĕ Игорь Егоров кĕрхи культурăсем мĕнле хĕл каçнине хаклама округ уй-хирне тухрĕ.

Кĕр тыррисен лаптăкĕ 6196 гектар, çав шутран 5 979-шĕ - тулă, 217-шĕ - ыраш. Ку вăл пĕтĕмпех пулас тухăç никĕсĕ.

Çуракине кĕске вăхăтра тата пахалăхлă ирттересси тĕпре. Аграрисенчен чылайăшĕ уя тухма хатĕр ĕнтĕ. 4 267 тонна удобрени туяннă. Вăрлăхăн 92 проценчĕ кондициллĕ. Хальхи вăхăтра пĕрчĕллĕ культурăсене акма хатĕрлес ĕç пырать, вăрлăха тăрăшсах имçамлаççĕ.

Мехпарксенчи хăшпĕр техникăна юсассипе те тăрăшаççĕ. Карл Маркс ячĕллĕ СХПК-ра удобренисемпе ÿсентăрана хÿтĕлемелли им-çама тĕрĕс усă курма «Туман» машина туяннă.

Хамăр инф.