Шупашкарта килти чĕрчунсене сиплеме хальхи йышши оборудовани вырнаçтарнă операци пÿлĕмĕ йĕркеленĕ.

Палăртмалла, ăна ветеринари отрасльне 2030 çулччен аталантармалли стратегипе тата «Единая Россия» партин Халăх программине кĕрекен «Чĕрчунсен тĕнчине хÿтĕлесси» проекчĕпе килĕшÿллĕн уçнă. Тĕллеве пурнăçа кĕртме 7,5 млн тенкĕ уйăрнă. Çĕнĕ ĕç хатĕрĕсем диагностикăпа хирурги пулăшăвне вăйлатма, чĕрчунсен сывлăхне пахалăхлă сиплеме пулăшĕç.

Ветеринарсем кăткăс операци тăваççĕ. Чăваш енре çакăн йышши 11 операци пÿлĕмĕ уçма палăртаççĕ.

Хамăр инф.