Вăрнар кĕрешÿçисем Чăваш ен первенствинчен çав тери чаплă результатсемпе таврăннă.

Ăмăрту икĕ ÿсĕмре - 18 çулчченхи хĕрсемпе каччăсем тата 21 çулчченхи юниорсем хушшинче - иртнĕ. Кавир çине 14 муниципаллă округпа хуласен 220 спортсменĕ тухнă.

Вăрнарсем пĕтĕмпе 15 медаль çĕнсе илнĕ. 21 çула çитмен спортсменсен ушкăнĕнче Вăрнар хĕрĕ Анастасия Максимова тата Хурăнсур Çармăсри Наталья Тихонова çĕнтерÿçĕсем пулса тăнă. Кÿстÿмĕрти Елена Петрова тата Вăрнарти Дмитрий Шувалов кĕмĕл медальсене çĕнсе илнĕ. Хурăнсур Çармăсри Ангелина Егорован виççĕмĕш вырăн.

18 çулчченхи кĕрешÿçĕсен ушкăнĕнче те ылтăн медале тивĕçнисем иккĕн: Хурăнсур Çармăсри Екатерина Тихонова тата Санарпуçĕнчи Антон Федоров.

Тăваттăн пьедесталăн иккĕмĕш пусми çине хăпарма тивĕçнĕ. Вĕсем - Вăрнар çамрăкĕсем: Александр Васильев, Денис Майков, Яна Максимова тата Кузьма Лаврентьев.

Бронза медаль çĕнсе илнисем те тăваттăн - Вăрнарти Дарья Ильина, Олег Николаев, Кирилл Андреев тата Санарпуçĕнчи Камилла Мельденева.

Ку суйлавлă ăмăрту пулнă. Ун çĕнтерÿçисем февралĕн 11-13-мĕшĕсенче Оренбург облаçĕнче пулакан Атăлçи округĕн первенствинче кĕрешĕç.

Светлана ЧИКМЯКОВА.