Адреспа справка информацийĕ енĕпе патшалăх тивĕçтерĕвне парассин пахалăхне ÿстерес тĕллевпе тата граждансене меллĕрех пултăр тесе пĕлтĕрхи декабрĕн 1-мĕшĕнчен пуçласа ку тивĕçтерĕве полицин «Вурнарский» пайĕн миграци ыйтăвĕсемпе тимлекен уйрăмне хăвăр килсе е Патшалăх тата муниципаллă тивĕçтерÿсен пĕрлĕхлĕ www.gosuslugi.ru порталĕ урлă илме май пур.

Хăвăр уйрăммăн килнĕ чухне паспорт пĕрле пулмалла тата заявлени (уведомлени) çырмалла, организацисен – заявлени кăна. Пĕрлĕхлĕ порталпа вара заявлени анчах ямалла, ăна маларах тата кĕске вăхăтра пăхса тухаççĕ.

Патшалăх тивĕçтерĕвне памалли вăхăт çакăн пек:

- енчен те гражданин хăй тĕлĕшпе адреспа справка информацине ыйтать-тĕк – 15 кун;

– гражданин хирĕçÿллĕ самантсем пирки пĕлтерсе уведомленипе тухать-тĕк – 3 ĕç кунĕ;

- гражданин е организаци-учреждени урăх уйрăм çын пирки адреспа справка информацийĕпе тивĕçтерме ыйтать пулсан – 30 кун.

Адреспа справка информацийĕпе тивĕçтересси тÿлевсĕр. Ыйтса пĕлмелли телефонсем: 8(8352) 241936, 8(83537) 25118.

Раççей ШĔМ-ĕн муниципалитетсем хушшинчи

«Вурнарский» пайĕн миграци ыйтăвĕсемпе тимлекен уйрăмĕ.