Самантра икĕ пурнăç сарăмсăр татăлнă – Вăрнарта каллех хăрушă инкек. «Калинино – Патăрьел – Елчĕк» автоçул çинче поселокри автозаправка станцийĕ çывăхĕнче пулнă вăл – упăшкипе арăмĕ бензин турттаракан пысăк машина ураписем айне лекнĕ.

«Синкер ĕç ытларикун каç еннелле пулса иртнĕ. Кÿрсе килнĕ бензина пушатса заправка станцийĕнчен тухакан пысăк машина 67-ри арçынпа 65-ри хĕрарăма таптанă. Йывăр аманнă арçын инкек вырăнĕнчех вилсе кайнă. Мăшăрне больницăна леçнĕ, анчах, шел, унăн пурнăçне те çăлса хăварайман. Мĕнле сиксе тухма пултарнă çакăн пек синкерлĕ инкек – хуравне пуренлĕ тĕрĕслев парĕ. Тĕплĕ тишкерÿ-тĕпчев мероприятийĕсем иртеççĕ», – пĕлтерчĕç районти ГИБДД уйрăмĕнчен.