Ятарлă çар операцине хутшăнакансене тата вĕсен çемйинчи çынсене ĕçе вырнаçтарасси те пысăк тимлĕхре. Ĕçлев министерстви пулăшнипе кăна 233 çар служащийĕпе вĕсен çемйинчи çынсене ĕçе вырнаçтарнă. 61 çын çĕнĕрен вĕреннĕ тата квалификацие пысăклатнă.

Аслă Çĕнтерÿ 80 çул тултарнине уявлани шайĕнче ирттерекен мероприятисем СССР халăхĕсен фашизмпа кĕрешнĕ вăрçă çулĕсенчи пурнăçĕн тĕрлĕ енĕсене сăнласа кăтартĕç. Уйрăм министерствăсен йĕркелÿ комитечĕсене тата республикăн йĕркелÿ комитетне çав мероприятисене хатĕрленĕ чухне ячĕшĕн мар, пулăмсене чуна хускатакан, çав вăхăтсен атмосферине путма май паракан тĕслĕхсемпе, сюжетсемпе мастер-классем ирттерсе, инсценировкăсем кăтартса пуянлатма ыйтатăп. Хальхи Тăван çĕршыв хÿтĕлевçисен – ятарлă çар операцине хутшăнакансен – хăюлăхĕпе паттăрлăхне те палăртса хăвармаллах.