Раççей салтакĕсем ятарлă çар операцийĕнче кашни кун паттăрлăхпа палăраççĕ. Вĕсене хавхалантарма тылри халăх та вăхăтне шеллемесĕр тăрăшать.

Акă, Вăрман Кипекре пурăнакансем те пушă самантра тÿрех ялти клуба васкаççĕ. Нумаях пулмасть вĕсем те маскировка сеткисем çыхма пуçланă. Кĕске вăхăтрах 30 ытла хÿтĕлев каррине хатĕрленĕ.

Ял хастарĕсем икĕ сменăпа тăрăшаççĕ. Пархатарлă ĕçе вăрман-кипексемпе пĕрле уйкас-кипексем те, çĕн-сăрьелсем те хутшăнаççĕ.

Пĕтĕмĕшле округĕпе, ялсенче маскировка сеткисем çыхассипе çирĕм ытла точка ĕçлет.