Юлашки пилĕк çулта çул-йĕр сетьне аталантарас тата обществăлла территорисене хăтлăх кĕртес тĕлĕшпе республикипех пысăк ĕç пурнăçланă. Малашлăхра çĕнетмелли-юсамалли плансем те пĕчĕк мар, патшалăх тимлĕхĕпе усă курса мĕнпур мероприятисене пахалăхлă пурнăçа кĕртмелле. Çак тĕп ыйтăва сÿтсе явнă та юнкун влаç органĕсен представителĕсем халăхпа йĕркеленĕ тĕлпулусем вăхăтĕнче.

Пĕтĕм республикăри пекех Вăрнар округĕнче те Пĕрлехи информаци кунĕ иртнĕ. Чăваш ен Конкурентлă политика тата тарифсен службин ертÿçи Сергей Егоров тата округ пуçлăхĕ Надежда Никандрова ертсе пыракан ушкăн хальхинче Уйкас Кипек тата Кĕçĕн Кипек территори пайĕсене çитнĕ, кунта пурăнакансемпе тĕл пулнă. Калаçу темисен шутĕнче çавăн пекех - çĕр саккунлăхĕнчи кăçалхи мартăн 1-мĕшĕнчен вăя кĕнĕ улшăнусем тата çуркунне шыв-шурпа çыхăннă тата ытти инкексене асăрхаттарасси.

Тĕплĕнрех хаçатра

Хамăр инф.