Кăçал республика çулĕсем çинче шăтăк-путăк юсавне унчченхи çулсенчен уйăх маларах пуçланă. Çуркунне ир килнине кура ку енĕпе ĕçе хăвăртлатма Чăваш ен Пуçлăхĕ Олег Николаев хушу панă.

Çапла майпа çул-йĕр никĕсне вĕри асфальтпа тÿрлетсе тикĕслессине мартăн 13-мĕ-шĕнченех тытăннă. Ку эрне пуçламăшĕ тĕлне пурнăçланă ĕçсен лаптăкĕ 13 пин тăваткал метртан ытла пулнă - кăтарту пĕлтĕрхи çак тапхăртинчен виçĕ хут пысăкрах. Подряд организацийĕсем умне автоçулсен сетĕнчи шăтăк-путăк юсавне май уйăхĕн 1-мĕшĕччен вĕçлеме задача лартнă.

Палăртнă тăрăх, регион сечĕсенче хĕлле хыççăнхи арканнă вырăнсене комплекс майĕпе виçĕ енпе йĕркене кĕртĕç. Федераллă çул-йĕр çинче юсава 4 пин тăваткал километрта пурнăçланă ĕнтĕ. Унсăр пуçне тата 3 пин тăваткал метр лаптăкра ĕçлемелле.

Вырăнти çул-йĕр сетĕнче вара юсав 70 пин енне тăваткал метрта кирлĕ. Ĕçсем Шупашкарта тата хăшпĕр округсенче пыраççĕ ĕнтĕ. Муниципалитетсенче, палăртнă тăрăх, çул-йĕр çитменлĕхĕсене вĕри асфальтобетонпа усă курса сирессине апрельтен тытăнмалла.

Хамăр тăрăхри пирки калас-тăк, округ администрацийĕн информацийĕ тăрăх, район çулĕсем çинче шăтăк-путăксене сапламалли - 5 пин ытла тăваткал метр. Унсăр пуçне поселокра - 920 тăваткал метр.

Каламалла, автоçулсене арканасран сыхласа хăварас тĕллевпе республикăра мартăн 30-мĕшĕнчен апрелĕн 30-мĕшĕччен регион тата муниципалитетсем хушшинчи пĕлтерĕшлĕ çулсем çинче пысăк грузлă транспорта çÿреме вăхăтлăх чару кĕртеççĕ.

Хамăр инф.