Медицина специалисчĕсене яллă вырăна явăçтарас тĕллевпе кăçалтан «Земство фельдшерĕ» программа ĕçлесе кайрĕ.

Унпа килĕшÿллĕн пилĕк çуллăха яла ĕçлеме куçма хатĕр фельдшерсене пĕр хутчен 500 пин тенкĕлĕх компенсаци тÿлĕç.

2018 çулта ку программăпа республикăри фельдшерпа акушер пункчĕсене 50 фельдшера ĕçе илме палăртнă.

«Земство тухтăрĕ» программа ĕçлеме пуçланăранпа яллă вырăнсене 371 çамрăк врач специалиста явăçтарнă, пĕлтĕр – 56.

Вăрнар районĕнче ку программăпа 2017 çулта 2 врач ĕçлеме тытăннă. Çав вăхăтрах района 10 ФАП заведующийĕ, тăватă пĕтĕмĕшле практика врачĕ, педиатр, врач-анестезиолог, кардиолог, УЗИ врачĕ кирлĕ.