Ача çуратайман çемьесен хисепĕ нумайланни пĕтĕм тĕнчипех сисĕнет. Тĕп сăлтавсен шутĕнче - репродуктивлă тытăм органĕсен вăраха кайнă чирĕсем. Çавăн пекех сиенлĕ йăласем, сахал хускални, ăнăçсăр экологи те япăх факторсен шутне кĕреççĕ. Тата арçынсемпе хĕрарăмсем мăшăрланассине, пĕрремĕш пепкене çуратассине те халĕ ытла кая хăвараççĕ. Çак вăхăта вара иккĕшĕн те сывлăхĕ хавшама, вăл-ку амак пухăнма пултарать.

Çавăнпах ĕнтĕ, демографи лару-тăрăвне лайăхлатас, репродуктивлă сывлăха упрама пулăшас тĕллевпе патшалăх шайĕнче мероприятисен комплексне йышăнаççĕ. Кăçалхи январĕн 25-мĕшĕнчен, акă, Раççей Президенчĕ Владимир Путин пуçарнă «Çемье» наци проекчĕ пурнăçа кĕрет. Унăн тĕп задачисен шутĕнче - ача çураласлăха ÿстересси, йышлă çемьесен хисепне пысăклатасси, амăшлăхпа ачалăха упрасси, амăшĕ пулма хатĕрленекен хĕрарăмсемпе ачасене пахалăхлă медицина пулăшăвĕпе тивĕçтересси тата ытти те.

Тĕплĕнрех хаçатра

Наталия ГАЛКИНА,

Чăваш ен Сывлăх сыхлавĕн министерствин

хĕрарăмсен репродуктивлă сывлăхĕ енĕпе тимлекен штатра тăман

тĕп специалисчĕ