Çĕнтерÿçĕсен йышне кĕнĕ

Категория: ПУБЛИКАЦИИ Опубликовано: 23.03.2019, 08:49 Просмотров: 307

Шупашкарта çак кунсенче Пĕтĕм Раççейри «Таланты и поклонники» фестивалĕн республикăри тапхăрĕн çĕн-терÿçисене палăртнă. Пултарулăх тупăшăвне йĕркелекенсем – Раççей МЧС-ĕпе Пĕтĕм Раççейри ирĕклĕ пушар обществи.

Ăна пушар хуралĕ йĕркеленнĕренпе 370 çул çитнине тата ку тытăмра палăртнă Чрезвычайлă лару-тăрусене асăрхаттармалли çулталăка халалланă.

Чăваш енри хуласемпе районсенчен 400 ытла ачапа çамрăк тăратнă хăйсен ĕçĕсене конкурса, çав шутра – хамăр районтан та. Номинацисем те тĕрлĕрен, чуна килĕшекеннине суйла кăна: «Вокал искусстви», «Автор тата бард юрри», «Театр искусстви», «Сăвăсем», «Хореографи пултарулăхĕ». Апла пулин те конкурссантсен пурин те пĕр тĕллев пулнă: юрă-кĕвĕ, ташă, пултарулăх урлă куракансене пушар хăрушсăрлăх правилисене уççăн, ăса хывăнмалла ăнлантарасси.

Пушара хирĕçле тематикăна çутатса, районти вĕренекенсем те палăрнă. Жюрин пысăк хаклавне тивĕçнисен йышĕнче – Кÿстÿмĕрти шкулти «Солнышко» ушкăн. «Зайчик и его находка» номерпе «Театр искусстви» номинацире хăйсен талантне ăста кăтартнă вĕсем, иккĕмĕш вырăн йышăннă. Ачасене çĕнтерме пулăшаканĕсем, хавхалантарса хатĕрлекенĕсем – Татьяна Савинова тата Надежда Захарова.

Ирина ЯКОВЛЕВА.  

Добавить комментарий

АРХИВ МАТЕРИАЛОВ

Апрель 2024
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

КАЛЕНДАРЬ ПРАЗДНИКОВ

Яндекс.Метрика