Вăрçă паттăрĕ – Вăрнарта пурăннă Совет Союзĕн Геройĕ Анатолий Александрович Иванов çуралнăранпа 100 çул çитрĕ.

Ун ятне, мухтавлă ĕçĕсене асра тытса ĕнер район администрацийĕн пуçлăхĕ Леонид Николаев, ун заместителĕ – вĕрентÿпе çамрăксен политикин пайĕн пуçлăхĕ Денис Трофимов, культура пайĕн пуçлăхĕ Ирина Алексеева, Вăрнар хула поселенийĕн администрацийĕн пуçлăхĕ Алексей Владимиров Геройăн вилтăприйĕ çине чĕрĕ чечексем хучĕç, А.Ивановăн хăюлăхĕ мĕнпур ăрушăн çутă тĕслĕх пулнине палăртрĕç. А.Ивановăн вăрçăри, мирлĕ пурнăçри кун-çулĕ хаçатăн 15-мĕш номерĕнче паллаштарнăччĕ («Ç.ç», 29.02.2020).