Юнкун депутатсен районти Пухăвĕн че-ретлĕ ларăвĕ иртнĕ. Сÿтсе явмалли ыйтусене кун йĕркине пиллĕк кĕртнĕ. Иккĕшĕ бюджет йĕркеленĕвĕпе çыхăннă.

Малтанах депутатсем пĕлтĕрхи кăтартусене çирĕплетнĕ. Пĕлтернĕччĕ ĕнтĕ, вĕсене унччен уçă итлев майĕпе тĕплĕн тишкерсе йышăннă. Финанс пайĕн пуçлăхĕ Гузалия Салахова кăçалхи тата планпа пăхнă 2021–2022 çулсенчи бюджетсене кĕртмелли улшăнусемпе паллаштарнă. Ларура ку кăтартусем тĕлĕшпе те йышăну кăларнă.

Çавăн пекех экономика тата пурлăх хутшăнăвĕсен пайĕн пуçлăхĕ Светлана Шашкарова пĕрремĕш кварталти социаллă-экономика аталанăвĕн пĕтĕмлетĕвĕсем пирки отчет тунă. Кунсăр пуçне депутатсем Пухăвăн унчченхи хăшпĕр йышăнăвĕсене хушусем кĕртнĕ, награда илме тăратнă материалсене пăхса тухнă.