Ярмушкара «Чи хитре палисадник» конкурс ирттернĕ.

Чечексем ÿстерме юратакансем ку тăрăхра чылай. Вĕсем çулран çул композицисене хитререх те хитререх тума тăрăшаççĕ, кил хушшисем, пахчасем, пÿрт умĕсем илемпе илĕртчĕр тесе вăй-халне те, укçи-тенкине те шеллемеççĕ.

Акă, Учительсен урамĕнче Эльвира Балыкован, Калиса Михайлован, Ингăпа Александр Александровсен, Лидия Александрован, Елена Долгован, Валентина Молостован, Нинăпа Петр Ивановсен, Еленăпа Владимир Петровсен клумбисем тĕрлĕ тĕспе ялкăшаççĕ.

Шкул урамĕнче Венерăпа Геннадий Сорокинсен, Ренатăпа Александр Молостовсен, Юрий Ивановăн пахчисем капăр. Луиза Укладован, Верăпа Валерьян Васильевсен, Еленăпа Владимир Владимировсен палисадникĕсем яла илем кÿреççĕ.

Почта урамне çитсе курсан, Раисăпа Владимир Перепелкинсен, Маргаритăпа Валерий Савельевсен, Георгий Сергеевăн, Альбинăпа Михаил Ивановсен чун-чĕри хитрелĕх патне питех те туртăннине палăртмалла.

Çамрăксен урамĕнче пурăнакансем те вĕсенчен юлмаççĕ. Еленăпа Григорий Григорьевсен, Светланăпа Юрий Васильевсен, Людмилăпа Виталий Павловсен, Зойăпа Игорь Михайловсен, Алинăпа Александр Илларионовсен пÿрчĕсем умĕнче мĕн тĕрлĕ кăна чечексем ÿсмеççĕ пулĕ?

Паллах, чи илемлисенчен илемлине палăртма çăмăл мар. Çавăнпа та конкурса йĕркелекенсем çÿлерех асăннă кил хуçисене пурне те парнепе хавхалантарма йышăннă.