Шăпах çакăн пек датăна паллă тунă Услапа Нурăсри ял библиотеки.

Хăмăшра вулав çурчĕ иртнĕ ĕмĕрĕн 30-мĕш çулĕсенчех пулнă. Унта Порфирий Кириллов хресченĕн хĕрĕ Александра Кошкина ĕçленĕ. Тăван çĕршывăн Аслă вăрçи вăхăтĕнче вулав çуртне хупма тивнĕ.

1946 çулта вара ял хастарĕ Иван Блинов тăрăшнипе ку çурта çĕнĕрен Услапа Нурăсра ĕçлеттерсе янă. Виçĕ ял халăхĕ 570 кĕнеке пухнă. 1955–1975 çулсенче унта Ольга Ананьевна Ананьева тимленĕ. Вăл библиотекăри кашни кĕнекен содержанине пĕлнине ял çыннисем лайăх астăваççĕ. Хыççăн Любовь Леонидовна Иванова улăштарнă.

Хальхи вăхăтра, тĕрĕсрех 31 çул ытла, тĕрлĕ ÿсĕмрисене кĕнекепе туслаштарас енĕпе Альбина Алексеева ырми-канми тимлет. Кунта алăстисен «Верук тĕпелĕ» кружокĕ тимлет.

Библиотека фондĕнче 8765 кĕнеке, вĕсенчен 1345-шĕ – чăваш кăларăмĕсем.