Раççейре ГТО физкультурăпа спорт комплексне çĕнĕрен чĕртнĕренпе ăна аталантарассипе чылай ĕç пурнăçланать.

Хамăр районта та, акă, ГТО нормативĕсене пурнăçлама пĕлтĕр Вăрнарта, йĕлтĕр бази çывăхĕнче, ятарлă площадка çĕклесе лартрĕç. Ăна физкультура комплексĕсемпе, турниксемпе, каштасемпе, тренажерсемпе, баскетбол щичĕпе хăватлатнă. Кунта физкультурăпа спорт комплексĕн упражненийĕсене пурнăçлама кăна мар, спортсменсене тренировкăсем ирттерме те аван. Нумаях пулмасть спорт площадкине пысăклатнă, кунта çĕнĕ тренажер лартнă.