Чăваш радио пĕрремĕш хут сасă панăранпа 100 çул çитрĕ, телекуравпа хыпарсен пирвайхи кăларăмĕ тухнăранпа - 65 çул!

Палăртма кăмăллă, Чăваш патшалăх телерадиокомпанийĕнче Вăрнар тăрăхĕнчен тухнă çынсем те пур. Хальхи вăхăтра кунта Пуканкассинчи Альбина Фомина, Туçи Мăратри Владимир Тимофеев тата Малтикас Ялтăрари Вероника Павлова тимлеççĕ.

Ентешсене сумлă уявсемпе саламлатпăр! Малашне те пĕлтерĕшлĕ хыпарсене кашни киле чи малтан çитерме, республика çыннисем пирки кăсăклă кăларăмсем хатĕрлеме, куракан-итлекенпе пĕр хум çинче пулма хавхалану сунатпăр!